Caravaggio
Lando	Italio
Regiono	Lombardio
Loĝantaro	16 513 (2025)
Alto	111 m

Caravaggio (itala elp. kaɾaˈvaʤːo; esperantigebla kiel Karavaĝo) estas urbeto en Lombardio en norda Italio, kun ĉ.16mil loĝantoj. Ĝi kuŝas en la ebenaĵo oriente de Milano, en la provinco de Bergamo.

Kompreni

Kutime la nomo Caravaggio celas la faman pentriston Michelangelo Merisi, kromnomitan "Caravaggio" el la loko kie li loĝis infanaĝe (kvankam naskiĝinta en Milano). Kompreneble, la urbo ekzistis longe antaŭ la pentristo...

De turisma vidpunkto, la plej grava monumento en Caravaggio estas la sanktejo titolita al la Virgulino Maria, kiu aperis ĉi-apude en 1432.

Historio

La plej frua konata atesto pri la nomo Caravaggio (antikve Caravagio) datiĝas je 962. Do, supozeble la urbo ne ekzistis sub Romio sed estis fondita en la Mezepoko de la Longobardoj.

Ekde 1186 la urbo apartenis al Milano. Proksima al la orienta landlimo de la areo regata de Milano, Caravaggio estis ofte atakita kaj eĉ mallonge konkerita (1320-1335 de la Papa Ŝtato, 1427-1452 de Venecio). Ĝi sekvis Milanon en la postaj eventoj, kaj kiel Milano pasis sub la hispanan (1535) kaj la aŭstrian (1714) regadojn. En 1861 ĝi iĝis parto de la Reĝlando de Italio.

Aliri

Trajne

Caravaggio kuŝas ĉe la fervojo Treviglio-Cremona. Veturoj ordinare ĉiun horon.

De/al Milano ŝanĝi trajnon en Treviglio. Tempo de/al Milano: 40-50min.

Moviĝi

Aĉeti

Loĝi

Esperanto