Iskio Ischia
Lando	Italio
Regiono	Kampanio
Maro	Tirena maro
Surfaca areo	46 km²
Loĝantaro	62 327 (2022)
Alto	788 m (monto Epomeo)

Iskio (itale: Ischia /'iskja/) estas insulo en Kampanio en suda Italio. En la insulo estas 6 komunumoj; la plej granda havas la saman nomon kiel la insulo.

Kompreni

Tri insuloj plilongigas la marbordon ĉirkaŭ la Napola Golfo, du norde kaj unu sude:

• norde: Iskio (Ischia) kaj Procida (elp. /'proĉida/) norde - vulkandevenaj insuloj
• sude: Kapreo (Capri) - kalkoŝtona insulo

Iskio estas la plej granda el la tri. La vulkano estiginta ĝin, la monto Epomeo (itale: Epomeo elp. /epo'mɛo/), 789 m, estas taksata ankoraŭ aktiva, ĉar la lasta erupcio okazis antaŭ malmultaj jarcentoj, en 1302, sed ĝi aspektas tute malaktiva, kun arboj ĝis la supro. Ja estas tamen malgranda kratero.

En pluraj lokoj de la insulo estas aliaj signoj de la vulkana origino: varmaj fontoj kaj diversaj vulkanaj rokoj.

La monto Epomeo. Preskaŭ sur la pinto estas la hermitejo de sankta Nikolao. Tuj apude estas la kratero (nevidebla en la foto).

Historio

La antikvaj Grekoj fondis en Iskio ĉirkaŭ en la jaro 800 a.K. unu el la plej fruaj kolonioj en la okcidenta Mediteraneo, Πιθηκοῦσσαι (elp. /piθē'kussai̯/). En la loka muzeo (en Lacco Ameno) estas greka ceramika pokalo trovita ĉi tie, el la 8-a jarcento a.K., entenanta unu el la plej malnovaj skribaĵoj en la greka, verŝajne citaĵo el Iliado.

La pokalo de Nestoro, kun la antikva surskribo, kun literoj de dekstre al maldekstre (kiel la araba, ne kiel la klasika greka). Oni rekonas en la centro de la foto :EYΠΟT.

En la 4-a jarcento a.K. Pithecousa, kiel Napolo kaj aliaj proksimaj urboj, iĝis sub la romia regado. Post la falo de Romio (476) ĝi estis mallonge sub la Ostrogotoj; en 536 ĝi estis prenita de la Bizanca Imperio kaj mallonge poste asignita (ene de tiu imperio) al la duklando de Napolo.

(... nekompleta ...)

Aliri

Aviadile

La plej proksima flughaveno estas tiu de Napolo.

Trajne

Trajnoj ne atingas Iskion, sed eblas trajnveturi ĝis Napolo aŭ Pozzuoli kaj de tie vojaĝi ŝipe.

Ŝipe

Eblas atingi Iskion per pramoj aŭ per glitŝipoj de Napolo aŭ de Pozzuoli. Estas pluraj kompanioj. La veturoj estas oftaj.

Somere estas glitŝipoj ankaŭ de/al Formia, Monte di Procida, Sorrento, Positano, Amalfi, Salerno.

Aldone estas kunligoj kun aliaj insuloj: dum la tuta jaro kun Procida, somere kun Kapreo, Ponza, Ventotene.

La havenoj ordinare uzataj en la insulo Iskio estas en Iskio (urbo), en Casamicciola, en Forio.

Moviĝi

Aĉeti

Loĝi

Esperanto