Karintio Kärnten/Koroška
Lando	Aŭstrio
Ĉefurbo	Klaŭdiforumo
Areo	9 537 km²
Loĝantaro	570 095 (2025)

Karintio (germane Kärnten, slovene Koroška) estas regiono (pli precize: federacia lando = subnacio) de sudorienta Aŭstrio.

Urboj

Kompreni

Tereno

Karintio entenas la altan valon de la rivero Dravo kaj la valojn de kelkaj ĝiaj alfluantoj (Gail, Möll, Gurk, Lavant). Dravo, alfluanto de Danubo, fontas en Italio apud la landlimo kun Aŭstrio, trafluas Orientan Tirolon kaj alvenas en Karintion post ĉirkaŭ 60 km de la fonto; post Karintio trafluas Slovenion kaj Kroation.

Grossglockner vidita de nordoriente.

Norde de la valo kuras longa montoĉeno, la Taŭroj (Tauern), pli alta okcidente kaj pli malalta oriente. Elstaras inter la pintoj la monto Grossglockner (Granda Sonorilisto), 3798m, la plej alta pinto en la tuta Aŭstrio. Ĝi situas ĉe la limo inter Karintio kaj Orienta Tirolo kaj estas parto de vasta protektata areo, la Nacia Parko Altaj Taŭroj, kunliganta ĝin al Grossvenediger (Granda Veneciano), 3657m, ĉe la limo inter Orienta Tirolo kaj Salcburgio.

Laŭ la limo kun Salcburgio sinsekvas pluraj gravaj pintoj (elstaras Hocharn 3254m, Schareck 3123m, Ankogel 3249m, Granda Hafner 3076m); pli oriente, ĉe la limo kun Stirio, la montoj plejparte ne superas 2000m (menciindaj estas Rinsennock 2334m kaj Strassburger Spitz 2404m).

Lago Wörth

Ĉe la suda limo de Karintio, kiu estas ankaŭ la landlimo de Aŭstrio kun Italio (okcidente) kaj Slovenio (oriente), kuras alia montoĉeno, parto de Orientaj Alpoj. La plej alta monto, 2780m, estas nomata Höhe Warte en la germana kaj monto Coglians en la itala (preskaŭ ĉiuj montoj en tiu ĉi montoĉeno havas duoblan nomon, en la germana kaj en la itala aŭ la slovena; kelkaj ankaŭ trian nomon en la friula).

De turisma vidpunkto estas allogaj ankaŭ pluraj malvastaj lagoj. La plej granda estas la lago Wörth (19 km²; germane Wörthersee, slovene Vrbsko jezero).

Eniri

Transportiĝi

Publika transporto

Manĝi

Trinki

Loĝi

Esperanto