Regensburgo
Regensburgo (ankaŭ: Ratisbono; germane: Regensburg) estas historia urbo en Bavario en suda Germanio, ĉe la rivero Danubo. Ĝi entenas ĉirkaŭ 150mil loĝantojn.
Kompreni
[redakti]Historio
[redakti]Antikve estis apude kelta vilaĝo nomata Radasbona. En la nuna loko de Regensburgo, Romianoj konstruis fortikaĵon en la jaro 90 p.K., ĉar Danubo estis tiam la limo de la Romia Imperio. Komence malgrava, tiu fortikaĵo estis pligrandigita de la imperiestro Marko Aŭrelio en 179 sub la nomo Castra Regina (Reĝa Kampo); poste, ĝi iĝis ĉefurbo de la romia provinco Raetia.
Dum Mezepoko Regensburgo plu floradis kaj iĝis la plej grava urbo en Bavario. Nur en la 13-a aŭ 14-a jarcento aliaj bavaraj urboj (Nurenbergo, Aŭgsburgo) superis ĝin. Malgraŭe, gravaj politikaj kunsidoj de la Sankta Romia Imperio okazis en Regensburgo ĝis 1806, kiam ĝuste en tiu ĉi urbo la Sankta Romia Imperio oficiale finiĝis. Aldone, de 1207 al 1810 Regensburgo estis sendependa urbo ene de la Sankta Romia Imperio; en 1810 ĝi iĝis parto de Bavario.
