Salcburgio Land Salzburg
Lando	Aŭstrio
Ĉefurbo	Salcburgo
Areo	7154 km²
Loĝantaro	572 846 (2025)
Horzono	UTC+1 (somere UTC+2)

Salcburgio (aŭ "Lando Salcburgo"; germane: Land Salzburg) estas unu el la federaciaj landoj (subnacioj) de Aŭstrio, kun ĉefurbo Salcburgo.

Salcburgio estas plejparte montara regiono, entenanta pecon de la norda flanko de Alpoj. La plej alta pinto estas la monto Grossvenediger (= "Granda Veneciano"), alta 3666 m. Allogaj estas ankaŭ kelkaj lagoj.

Subregionoj

Urbo Salcburgo (Salcburgo)

Flachgau (Ĉirkaŭaĵo de Salcburgo) (Seekirchen (ĉefurbo, 12mil loĝ.)) Montetoj kaj mezaltaj montoj (Gamsfeld 2027m, Mitterberg 1840m, Schafberg 1783m). Pluraj lagoj (Lago Waller, Lago de Wolfgango ktp). Entenas parton de la ĉarma historia regiono Salzkammergut.

Tennengau (Distrikto de Hallein) (Hallein (ĉefurbo, 22mil loĝ.)) Sekcio de la valo de la rivero Salzach kun preskaŭ la tuta valo de ĝia alfluanto Lammer kaj la montoj ĉirkaŭ ĝi; elstaras la montoj Supera Göll (2522m) kaj Granda Bischofsmütze (2458m). La impona kalkoŝtona masivo Tennen, kvankam rilata al la historio de Tennengau, estas nur etparte en tiu ĉi distrikto.

Pongau (Distrikto de Sankta Johano en Pongau) (Sankta Johano (ĉefurbo, 12mil loĝ.)) Sude de Tennengau, tiu distrikto entenas la mezaltan valon de Salzach kaj la altan valon de Eno, kun la fonto de tiu ĉi. Ĉirkaŭe estas altaj montoj, en la mezo malpli altaj, skistaj (Hochgründeck 1827m), en la nordo altaj, krutaj, kalkoŝtonaj (Hochkönig 2941m, Raucheck 2430m, Torstein 2948m), en la sudo pli altaj, granitaj kaj gnejsaj (Schareck, 3123m, Kreuzkogel 2688m, Ankogel 3249m, Tischlerspitze 3002m).

Pinzgau (Distrikto de Zell am See) (Zell ĉe la Lago (am See), ĉefurbo, 10mil loĝ.; Saalfelden, 17mil loĝ.) Okcidente de Pongau, tiu distrikto entenas la altan valon de Salzach. Sude estas altaj montoj, inter kiuj elstaras Grossvenediger (= Granda Veneciano), 3657m; la ĉirkaŭa areo estas parto de la Nacia Parko Altaj Taŭroj. Menciinda estas ankaŭ la Pinto de la Tri Sinjoroj (Dreiherrspitze, 3499m), ĉe la landlimo kun Italio; la pintoj super 3000m estas multenombraj. Norde de Salzach la montoj estas malpli altaj (Birnhorn 2664m, Hocheisspitze 2523m, Selbhorn 2655m, Hoher Kopf 2875m). Estas kelkaj malgrandaj lagoj.

Lungau (Distrikto de Tamweg) (Tamweg (ĉefurbo, 6mil loĝ.)) Sudoriente de Pongau, tiu soleca distrikto entenas la altan valon de la rivero Muro (Mur/Mura) kun la montoj ĉirkaŭ ĝi (Granda Hofner 3076m, Köllnbreinspitze 2934m, Weisseck 2711m, Faulkogel 2654m, Hochgolling 2862m, Kasereck 2740m, Roteck 2742m).

Urboj

Kompreni

Eniri

Transportiĝi

Publika transporto

Manĝi

Trinki

Loĝi

Esperanto