České Budějovice
Lando	Ĉeĥio
Regiono	Sudbohemia Regiono
Loĝantaro	93 426
Alto	381 m

České Budějovice (Ĉeĥio) DEC České Budějovice České Budějovice

Situo de České Budějovice.

České Budějovice (germanlingve Budweis aŭ Böhmisch-Budweis) estas urbo en Ĉeĥio kaj la ĉefurbo de Sudbohemia Regiono.

Kompreni

Eniri

Eniri trajne

České Budějovice havas rektan konekton al Prago, Plzeň, Linco kaj Brno. Unufoje tage ankaŭ veturas rekta EuroNight-trajno el Zuriko, el kies direkto eblas veni ankaŭ per aliaj trajnoj kun ŝanĝo en Linco. La ĉefa stacio nomiĝas České Budějovice.

Eniri buse

El/al České Budějovice eblas rekte veturi al/el Prago, Český Krumlov, Písek, Linco kaj Brno per busoj de kompanio RegioJet, LEO Express aŭ FlixBus.

La ĉefa busstacidomo nomiĝas Autobusové nádraží České Budějovice aŭ České Budějovice, AN. Ĝi troviĝas sur tegmento de aĉetcentro Mercury.

Eniri aŭte

Al/el České Budějovice eblas veturi el/al Prago aŭ Linco per eŭropa ŝoseo 55 (E55).

Transportiĝi

Transportiĝi perpiede

La tuta urbocentro estas komforte trairebla piede.

Publika transporto

En České Budějovice funkcias publika transportado per trolejbusoj kaj urbaj busoj. La tuta urbo troviĝas en unu transportsistema zono.

La biletoj kostas jene:

• 20 Kč (10 Kč) - por 60 minutoj
• 75 Kč (25 Kč) - por 24 horoj
• 200 Kč - por 168 horoj

La prezoj en krampoj validas por infanoj kaj junuloj ĝis 15-a jaro. Por ke la bileto validu, oni devas marki ĝin tuj post eniro en veturilon. Ĉiu bileto validas ankaŭ post ŝanĝo de la veturilo.

Estas pli malmultekoste aĉeti biletojn en la vendomaŝinoj (nur en kronoj) ol ĉe la ŝoforo. Kelkaj vendomaŝinoj jam akceptas pagokartojn. Ekde 2023 ne eblas aĉeti biletojn en gazetvendejoj.

En České Budějovice kaj en la ĉirkaŭaĵo ne ekzistas haltejoj, kie oni devas signi la volon en- aŭ elveturiliĝi, malgraŭ tio nokte povas ŝoforo ne halti ĉe kelkaj haltejoj (ĉefe ekster la urbo mem), kiam ĝi vidas ke nek iu staras ene ĉe pordoj nek ekstere en la haltejo. Oni nek devas puŝi iun butonon por ke la pordoj de la veturilo malfermiĝu. Inter la 20-a horo kaj la 4-a horo oni devas enveturiliĝi per antaŭaj pordoj, sed se malfermiĝos ankaŭ la aliaj pordoj, estas tute normale enveturiliĝi ankaŭ per ili (ĉefe en finstacioj aŭ kiam enveturiliĝas granda amaso da homoj).

Vidi

Placo de Přemysl Otakar la 2-a kun Nigra Turo kaj kun Fontano de Samson

• Placo de Přemysl Otakar la 2-a (ĉeĥe: Náměstí Přemysla Otakara II.) - la ĉefplaco kun barokaj urbodomo kaj Fontano de Samson
• Nigra Turo (ĉeĥe: Černá věž)
• Katedralo de Sankta Nikolao (ĉeĥe: Katedrála svatého Mikuláše)
• Masné krámy - eksa viandovendejo, hodiaŭ fama loka restoracio
• Piarista Placo (ĉeĥe: Piaristické náměstí) kun Monaĥejo kaj Katedralo kaj kun gotika salejo
• Aĉetcentro Mercury (ĉeĥe: Mercury centrum aŭ Mercury) kun busstacidomo sur ĝia tegmento
• Restaĵoj de la urbomuroj ĉe rivero Malše
• Benko de Václav Havel (ĉeĥe: Lavička Václava Havla) - monumento dediĉita al la lasta prezidento de Ĉeĥoslovakio kaj unua prezidento de Ĉeĥio Václav Havel. Ĝi konsistas el du seĝoj kaj unu tableto tra kiu kreskas arbo (Etfolia tilio - nacia arbo de Ĉeĥio). Ĝi troviĝas en kampuso de Sudbohemia Universitato.

Fari

• Bierfarejo Budweiser Budvar ofertas ekskursojn en ĝin en la ĉeĥa, en la angla aŭ en la germana.
• Naĝstadiono (ĉeĥe: Plavecký stadion), Sokolský ostrov 4. Publika naĝejo.
  • Somera Naĝejo (ĉeĥe: Letní plovárna), Sokolský ostrov 1. Ĝi troviĝas tuje apude de la naĝstadiono.
• Kinejego Cinestar, Milady Horákové 1498, troviĝas en Aĉetcentro Čtyři Dvory. Regule oni spektigas tie filmojn kun origina voĉo nur kun ĉeĥaj subtitoloj.
• Parko Stromovka estas ĉefa loko por sunumi, sportumi, irigi hundojn kaj ripozi.
• Sokolský ostrov estas loko por sunumi kaj ripozi. Ĝi troviĝas apude de la ĉefplaco sur kunigo de riveroj Vltava kaj Malŝe.

Aĉeti

Ĉiujare antaŭ Kristnasko okazas sur la ĉefplaco Kristnaska Merkato. Tie eblas aĉeti diversajn manpreparitajn aĵojn, diversajn manĝaĵojn kaj trinki punĉon.

Manĝi

Pikador estas vorto vere uzata en la urbo. En la resto de Ĉeĥio ĝi nomiĝas párek v rohlíku.

Pikador estas loka nomo por kolbasobulko. En la resto de Ĉeĥio ĝi nomiĝas párek v rohlíku, kiu estas aparta de kolbasobulkoj konataj en aliaj landoj. Ĝi estas servata aŭ kun keĉupo aŭ kun mustardo kaj ne eblas aĉeti ĝin en la urbo en vegana aŭ vegetara versio.

Hladový vokno (Malsata Fenestro) estas rapidmanĝejo fama ĉefe inter junuloj kaj diboĉemuloj. Ĝi troviĝas sur tri lokoj en la urbocentro kaj ĝi kutime funkcias ĝis nokto - dum posta vespero kaj nokto ĝi estas unu el malmultegaj lokoj kie eblas aĉeti preparitan manĝaĵon.

• Hladový vokno 2, Kněžská 10. Lu - ĵa 9:00 - 23:00, ve - sa 9:00 - 1:00, dimanĉo 11:00 - 23:00.
• Hladový vokno 3, Lannova 2. Lu - ĵa 9:00 - 23:00, ve - sa 9:00 - 1:00, dimanĉo 11:00 - 23:00.

Manĝi averaĝe

• Masné krámy (Viandaj Vendejoj), Krajinská 13. La plej fama restoracio en České Budějovice, kiu troviĝas en iama merkatejo konstruita laŭ renesanca stilo.

Trinki

En České Budějovice oni produktas unu el la plej famaj ĉeĥaj bieroj Budweiser Budvar kaj en la urbo mem kompreneble troviĝas multaj restoracioj, kie oni vendas ĝin.

Loĝi

Esperanta loĝado

En České Budějovice estas 1 gastiganto de Pasporta Servo ^(2022/12).

Konekto

Sur la Piarista Placo (ĉeĥe: Piaristické náměstí) eblas konektiĝi al Interreto per senpasvorta vifio. Lokaj retprovizantoj provizas senpasvortajn vifi-retojn kun senpaga aliro al Interreto ankaŭ en aliaj ofte vizitataj lokoj en la urbo (kutime aĉetcentroj, restoracioj kaj kafejoj) kun vifioj nomitaj kiel inet4_WIFIFree_*, STARNET-Wifi_Free_*, STARNET-*-WIFI-FREE kaj simile (kie estas steleto, tie kutime estas nomo de la ejo por kiu la konekto estas provizata).

Sano

24-horaj medikamentvendejoj

• Lékárna Nemocnice, Boženy Němcové 54. (Haltejo U Nemocnice aŭ Nemocnice)

Esperanto

Viziti plu

• Hluboká nad Vltavou - apuda urbeto kun kastelo
• Holašovice - vilaĝo listigita ĉe UNESKO pro la tradiciaj sudbohemiaj domoj
• Český Krumlov
• Písek
• Šumava - montaro kaj nacia parko
• Prago - ĉefurbo de Ĉeĥio
• Linco

Eksteraj ligiloj

• Hidden Jewel of the Czech Republic - České Budějovice! – video pri České Budějovice el la YouTube-a kanalo Honest Guide (en la angla)
• Mit Schwejk nach Budweis – Abenteuer in Südböhmen – filmo pri České Budějovice, Hluboká nad Vltavou kaj suda Bohemio de germania televido MDR (en la germana)