Aŭstralio (AU)
Ĉefurbo	Kanbero
Lingvo	angla
Areo	7 688 287 km²
Loĝantaro	25 890 773 (2021)
Monunuo	AUD (aŭstralia dolaro)

Aŭstralio (angle Australia) estas lando kaj kontinento en mondoparto Oceanio. Kiel lando (ŝtato) ĝi entenas, aldone al la aŭstralia kontinento (vasta 7 617 930 km²), nur unu grandan insulon (Tasmanion, 68 401 km²) kaj plurajn insuletojn.

Granda parto de Aŭstralio estas dezerta, sed sufiĉe vastaj areoj - precipe sudoriente, norde, kaj proksime al ĉiuj marbordoj - havas mildan klimaton kaj, en la nordo, eĉ tropikan.

Regionoj

Regionoj (subŝtatoj aŭ grandaj teritorioj) de Aŭstralio

Novsudkimrio kun Aŭstralia Ĉefurba Teritorio (Sidnejo, Kanbero) Novsudkimrio (New South Wales, NSW) entenas Sidnejon (Sidney), la plej malnovan urbegon en Aŭstralio. La subŝtata marbordo estas plejparta sabla kaj riĉa je turismaj vilaĝoj. Pli okcidente estas montoĉeno (Bluaj kaj Neĝaj Montoj), trans kiuj estas vasta ebenaĵo. Novsudkimrio entenas, de turisma vidpunkto, ankaŭ la aŭstralian ĉefurbon Kanberon (Canberra), kiu tamen oficiale havas sian apartan, malgrandan teritorion (Aŭstralia Ĉefurba Teritorio, ACT).

Viktorio (Melburno) Viktorio (Victoria), la plej malgranda subŝtato en kontinenta Aŭstralio (iom pli ol 200 000 km²), havas mildan klimaton, belegajn marbordojn, fotindajn naciajn parkojn. La malkrutaj Aŭstraliaj Alpoj etendiĝas laŭ la subŝtata limo kun Novsudkimrio. Melburno (Melbourne) estas taksata la aŭstralia ĉefurbo pri sporto, modo, manĝaĵoj.

Sudaŭstralio (Adelajdo) Sudaŭstralio (South Australia) estas oficiala nomo, celanta nur la centran parton de la aŭstralia geografia sudo. Ĝi estas fama pro la vinoj, la montoj Flinders, la sablaj marbordoj, kaj la tiel nomata "urbo de la preĝejoj", Adelajdo (Adelaide).

Urboj

• Kanbero (Canberra) - la ĉefurbo de Aŭstralio
• Adelajdo (Adelaide)
• Brisbano (Brisbane)
• Darvino (Darwin)
• Hobarto (Hobart) - la ĉefurbo de Tasmanio
• Melburno (Melbourne) - la dua urbo en Aŭstralio (en la metropola areo ĉ. 5 000 000 en 2022)
• Perto (Perth)
• Sidnejo (Sydney) - la plej granda urbo en Aŭstralio pri loĝantaro (en la metropola areo ĉ. 5 300 000 en 2022)

Dependaj teritorioj

De Aŭstralio dependaj teritorioj estas:

• Herda kaj Makdonaldaj Insuloj
• Kokosinsuloj
• Kristnaskinsulo
• Norfolkinsulo

Aliaj cellokoj

Horizontala akvofalo en la golfo Talbot. Alta tajdo 2-foje tage furioze trafluas mallarĝan gorĝon en alta monto.

Kompreni

Eniri

Eniri aviadile

La plej grava internacia flughaveno en Aŭstralio estas tiu de Sidnejo.

Aliaj gravaj internaciaj flughavenoj estas apud Melburno, Brisbano, Perto.

Flugi al Aŭstralio kutime postulas plurajn horojn, ĝis 24 por flugi el Eŭropo.

Moviĝi

Aĉeti

Manĝi

Trinki

Loĝi

Esperanta loĝado

En Aŭstralio estas 26 gastigantoj de Pasporta Servo ^(2023/12).

Esperanto

Lokaj esperantistoj

La Aŭstralia Esperanto-Asocio (AEA), fondita en 1911, havas sian sidejon en Melburno; kluboj estas en multaj pluaj aŭstraliaj urboj.
Retejo: esperanto.org.au.

Esperantaj renkontiĝoj

AEA aranĝas kongresojn ĉiun jaron.

En 1997 la Universala Kongreso de Esperanto (UK) okazis en Adelajdo.