Sidnejo

Sidnejo
(Sydney)

Lando

Aŭstralio

Regiono

Novsudkimrio (NSW)

Loĝantaro

5 297 000 (2022, metropola areo)

Sidnejo (angle Sydney /ˈsɪdni/) estas urbo en Novsudkimrio en Aŭstralio. Grava haveno, ĝi estas la ĉefurbo de Novsudkimrio (New South Wales, NSW) kaj la plej granda urbo en la tuta Aŭstralio, kun pli ol 5 milionoj da loĝantoj en la metropola areo.

Historio[redakti]

La areo kie kuŝas nuntempe Sidnejo estis loĝata de prahomoj ekde 30-40mil jaroj.

La angloj atingis la golfon de Sidnejo en 1770 kaj fondis tie urbon en la 1778. Ĝis 1840 Sidnejo estis ĉefe punlaborejo.

Klimato[redakti]

Memoru ke en la suda duonglobo somero estas de decembro al marto kaj vintro de junio al septembro.

Somere la temperaturo malofte superas 30°C sed ja estas kelkaj varmegaj tagoj kun temperaturoj ĝis ĉirkaŭ 40°C. Vintre noktaj temperaturoj estas ofte sub 10°C, tage tamen ili estas kutime inter 15°C kaj 20°C.

Pluvoj okazas dum ĉiuj sezonoj, sed estas pli maloftaj de junio al oktobro. Neĝo ne falas en Sidnejo, nur sur la apudaj montoj.

Aliri[redakti]

Aliri aviadile[redakti]

La internacia flughaveno de Sidnejo (IATA-kodo: SYD) estas en la suda parto de la urbo, ĉirkaŭ 10 km for de la centro. Informoj ĉe la flughaveno retejo (angle, ĉine, hindie, japane).

Eblas veturi de la flughaveno al la urbo trajne, buse (shuttle), taksie, bicikle.

Trajnoj estas oftaj kaj bezonas malpli ol 15 minutoj ĝis la Centra Stacidomo en la suda parto de la centro. La bileto kostas ĉirkaŭ 20 AUD. Estas du trajnhaltoj en la flughaveno, apud la sekcioj internacia kaj nacia. Informoj ĉe Transport NSW (angle).

La retejo de Transport NSW donas informojn kaj konsilojn por bicikli de la flughaveno al pluraj celoj en la urbo. Por lui biciklojn estas informoj ekzemple ĉe Bicycle NSW (angle).