Bangladeŝo (BD)
Ĉefurbo	Dako
Areo	147 600 km²
Loĝantaro	165 milionoj (2020)
Monunuo	Taka (BDT)
Tel. antaŭkodo	+880
Horzono	UTC+6

Bangladeŝo (bengale বাংলাদেশ Bāṃlādeś /ˈbaŋlaˌd̪eʃ/; angle Bangladesh) estas lando en Suda Azio, najbara de Barato.

Komprenu

La lando estas dotita per netuŝitaj strandoj, multaj arkeologiaj lokoj, viglaj bazaroj, multaj lokoj de religia graveco, arbaroj, bongusta manĝaĵo, kaj pli grave, gastamaj kaj amikaj homoj.

Bangladeŝo ofertas Mondajn Heredaĵojn, historiajn monumentojn, feriejojn, renkontiĝojn kun tribanoj, kaj faŭnon de diversaj specioj. Vojaĝantoj serĉantaj agadojn povas partopreni en fiŝkaptado, akvoskiado, riverkrozado, migrado, remado, jaĥtado kaj marbanado.

Regionoj

Regionoj de Bangladeŝo

Regiono de Dako Hejmo de la landa ĉefurbo, juto, kaj rizejoj.

Regiono de Bariŝalo La regiono de riveroj, rizejoj kaj vegetaĵaro.

Regiono de Ĥulno Ripoziga kaj trankvila areo kiu inkluzivas la plej grandan mangrov-arbaron en la mondo (Sundarban).

Regiono de Rajŝaho Konata pro sia silko, mangoj, kaj dekoj da arkeologiaj ruinoj.

Regiono de Rangpuro Temploj, kulturo kaj kampara vivstilo.

Regiono de Maimanasingo Regiono disigita de tiu de Dako ekde la 26-a de januaro 2015.

Regiono de Silheto Hejmo de senfinaj teo-bienoj, belaj naturaj pejzaĝoj.

Regiono de Ĉitagongo Pitoreska landinterno kun larĝaj montetoj, arbaroj kaj strandoj.

Urboj

• Dako (bengale: ঢাকা, Ḍhākā [ˈɖʱaka]) estas la ĉefurbo kaj, kun ĉirkaŭ 10 milionoj da loĝantoj, la plej granda urbo de la lando
• Ĉitagongo (angle: Chittagong, bengale: চাটগাঁও, Cāṭgāon), estas la dua urbo laŭ kvanto da loĝantoj kaj grava havenurbo; ekde 2018 la oficiala nomo estas ŝanĝita al Chattogram (bengale: চট্টগ্রাম, Caṭṭagrām).

Eniri

Transportiĝi

Publika transporto

Aĉeti

Manĝi

Trinki

Loĝi

Esperanto

En Bangladeŝo, la Esperanto-movado estas vigla, kvankam ĝi restas malgranda komunumaro komparita al la nacia loĝantaro. La lando havas apartan ligon al lingvaj rajtoj pro sia historio, kio resonas kun la valoroj de Esperanto.

La Internacia Tago de la Gepatra Lingvo (21-a de februaro), originas en la okazintaĵoj en Bangladeŝo; pro tio multaj bangladeŝaj esperantistoj ligas la celojn de la lingva justeco de Esperanto kun sia propra nacia lukto por la bengala lingvo. En februaro 2026, Bangladeŝo festis la "Arĝentan Jubileon" de la Internacia Tago de la Gepatra Lingvo, inkluzive de la esperanto-komunumo, per multaj publikaj ceremonioj, ankaŭ ĉe la monumento Shaheed Minar.

Lokaj esperantistoj

• Bangladeŝa Esperanto-Asocio (BEA): Ĝi estas la landa sekcio de la Universala Esperanto-Asocio (UEA) en Bangladeŝo. BEA organizas kursojn, renkontiĝojn kaj laboras por diskonigi la lingvon en la regiono.
• Esperanto-Societo de Bangladeŝo: Alia aktiva grupo, kiu fokusiĝas pri instruado kaj partopreno en internaciaj eventoj.

• Kursoj: Esperanto estas ĉefe lernata per lokaj kluboj en urboj kiel Dako kaj Rajŝaho.

Por faciligi la lernado de Esperanto, estas aplikaĵoj, kiel ekzemple "Bangla To Esperanto Translator", kiuj estas haveblaj por faciligi la tradukadon inter la bengala kaj Esperanto.