Bavario (DE-BY)
Lando	Germanio
Ĉefurbo	Munkeno

La naĝantaj insuloj en lago en Bavaria Arbaro

La kastelo Neuschwanstein, konstruita en la 19a jarcento

Bavario aŭ Bavarujo (germane Bayern) estas federacia lando (subnacia regiono) de Germanio, vasta ĉ. 70mil km² (la plej vasta en la tuta Germanio), kun ĉ. 13 milionoj da loĝantoj.

Ĝiaj turismaj allogaĵoj entenas kaj naturon, inkluzive parton de la Alpoj, kaj malnovajn urbojn kaj la metropolon Munkeno.

Urboj

Urboj kun pli ol 100mil loĝantoj:

• Munkeno (germane München), la ĉefurbo, kun ĉ. 1,5 milionoj da loĝantoj;
• Nurenbergo (Nürnberg), kun ĉ. 500mil loĝantoj;
• Aŭgsburgo (Augsburg), historia urbo fondita de Romianoj, kun ĉ. 300mil loĝantoj;
• Regensburgo (Regensburg), alia historia urbo fondita de Romianoj, kun ĉ. 160mil loĝantoj;
• Ingolstadt, kun ĉ. 140mil loĝantoj;
• Vircburgo (Würzburg), kun ĉ. 130mil loĝantoj;
• Fürth, kun ĉ. 130mil loĝantoj;
• Erlangen, kun ĉ. 120mil loĝantoj.

Aliaj turisme allogaj urboj:

• Aschaffenburg
• Bambergo (Bamberg)
• Bayreuth
• Koburgo (Coburg)
• Landshut
• Dachau, konata pro sia koncentrejo dum la 2a Mondmilito
• Passau

Aliaj cellokoj

• La Bavaraj Alpoj estas la plej grava turisma allogaĵo en Bavario. Vintre eblas skii en pluraj lokoj, el kiuj la plej konata estas Garmisch-Partenkirchen. Estas tamen notinde ke ili en Germanio ne atingas 3000m: la plej alta monto, Zugspitze, estas alta 2962 m.
• La rivero Danubo trafluas Bavarion mezvoje inter Munkeno kaj Nurenbergo kaj tuŝas la urbojn Ingolstadt, Regensburgo kaj Passau; kvankam ankoraŭ proksima al sia fonto, apud Passau ĝi jam havas mezan trafluon ĉ.600 m³/s.
• ...

Kompreni

Eniri

Moviĝi