Burkino (BF)
Ĉefurbo	Uagaduguo
Areo	274 000 km²
Loĝantaro	16 milionoj (2010)
Monunuo	afrika franko (XOF)
Elektro	220V/50Hz, kontaktingo eŭropa
Tel. antaŭkodo	+226
Horzono	UTC +0

Burkino estas lando en Okcidentafriko.

Komprenu

Historio

Ĝis la fino de la 19-a jarcento la teritorion dominis mosioj, sed kreadon de ilia imperio malhelpis la francoj, kiuj venis en 1896 kaj proklamis la terenon sia. La kontraŭstaro de la mosioj finiĝis nur je la falo de ilia ĉefurbo Ŭagadugu, en 1901. La kolonio de la Supra Volto estis fondita en 1919, sed la bordoj multfoje ŝanĝiĝis ĝis ilia nuna formo, kiu reprezentas la staton je la jaro 1947.

Sendependiĝo de la Supra Volto disde Francio okazis en 1960. Inter la jaroj 1984 kaj 1987 la ŝtaton regis Thomas Sankara, ankaŭ konata kiel Che Guevara de Afriko. Sankara iĝis tre populara ĉar li havis multajn sukcesojn interalie en evoluo de medicino. Li tamen estis baldaŭ anstataŭigita de pli konforma al la Okcidento figuro de Blaise Compaoré, kolego de Sankara, kiu organizis armitan renverson kaj mortigis Sankara-n.

Fari

El Gorom Gorom oni povas preni kamelan veturadon en la dezerto kun tranokto en la sovaĝa naturo. Tia atrakciono povas esti multekosta, ĉar la ĉiĉeronoj estas diversaj.

Ĉe Banfora estas belaj akvofaloj kun ebleco preterpasi tie perpiede. La enirprezo estas ĉ. 2 mil frankoj. Estas ĝenerale malbona ideo naĝi en riveroj de la regiono, ĉar ekzistas probableco ekmalsani je bilharzio. La lokanoj povas insisti, ke la loko estas sekura, sed troa singardemo preferindas.

Same ĉe Banfora eblas preni boatan rajdon por vidi hipopotamojn. Ne atendu multon de tiu veturo, vi eble nur vidos la orelojn de la animaloj, ĉar ili preferas subakviĝi kaj tiel sidi dum horoj. Memoru ke hipopotamoj estas danĝeraj kaj povas malbone reagi al tro alproksimiĝantaj boatoj.

Okcidente de Banfora troviĝas rokoj Sindu.

En Burkina Faso aĉetindas mendita vestaĵo, la kosto de produktado estas malalta, la loka speciala stilo longe rememorigos pri la vojaĝo.

Laŭlonge el la ĉefurbo al Bobo-Diulaso vidindas krokodilaj lagoj. En Bobo-Diulaso famas la kota moskeo (demetu la ŝuojn por eniri, modeste vestu vin, ekzistas enirprezo kaj necesas krompagi al infanoj, kiuj gardas la ŝuojn de la enirintoj).