La Ibera duoninsulo aŭ Iberio apartenas al mondoparto Eŭropo, en kiu ĝi okupas la angulon sudokcidentan. Ĝi estas ĉirkaŭ 600mil km² vasta.

Hispanio estas la plej granda ŝtato en Iberio, ege pli granda ol la ceteraj (ĉ.500mil km²). Kontraŭe, Andoro kaj Ĝibraltaro estas tre malgrandaj (468 kaj 7 km² respektive).

Iberio estas ligata al la kontinento nur nordoriente; la montoĉeno Pireneoj markas la limon.

Ŝtatoj

Andoro malgranda sendependa ŝtato en la Pireneoj, en la nordo de Iberio

Ĝibraltaro malgranda ŝtato, dependanta de la Unuiĝinta Reĝlando, ĉe la samnoma markolo kunliganta la Atlantikon kun la Mediteraneo

Hispanio (ĉefurbo: Madrido) unu el la grandaj ŝtatoj en Eŭropo, entenanta la plimulton de Iberio kaj malgrandajn partojn de Afriko

Portugalio (ĉefurbo: Lisbono) mezgranda sendependa ŝtato, ĉe la bordo de la Atlantiko