Japanio (JP)
Ĉefurbo	Tokio
Areo	377 944 km²
Loĝantaro	127 288 419 (takso 2008)
Monunuo	japana eno (JPY)
Elektro	100V/50-60Hz, kontaktingo amerika
Tel. antaŭkodo	+81
Horzono	UTC +9

Japanio, aŭ Nipono (japanlingve: Nihon aŭ Nippon (日本)), estas insulara lando en Orienta Azio. La ĉefurbo estas Tokio.

Regionoj

Kutime, Japanio estas tranĉita inter naŭ regionoj, jen listigite nord-suden:

Hokkaido (Central Circuit, Eastern Circuit, Northern Circuit, Southern Circuit) Plej norda insulo kaj ege neĝa ejo. Fama pro siaj larĝaj, malfermaj spacoj kaj malvarmaj vintroj.

Tohoku (Aomori, Iwate, Akita, Miyagi, Yamagata, Fukushima) Ĉefe kampara parto de la ĉefinsulo Honŝu, plej konata pro marmanĝaĵoj, skiado kaj varmfontoj.

Kanto (Ibaraki, Tochigi, Gunma, Saitama, Chiba, Tokyo, Kanagawa) Marborda ebenejo de Honŝu, enhavas la urbojn Tokio kaj Jokohamo.

Chubu (Niigata, Toyama, Ishikawa, Fukui, Yamanashi, Nagano, Shizuoka, Aichi, Gifu) Montara meza regiono de Honŝu, kie troveblas la Japanaj Alpoj kaj la kvarplejgranda urbo en Japanio, Nagoja.

Kansai (Shiga, Mie, Kyoto, Osaka, Nara, Wakayama, Hyogo) Okcidenta parto de Honŝuo, malnova ĉefurbo pri kulturo kaj komerco, enhavante la urbojn Osaka, Kyoto, Nara kaj Kobe.

Chugoku (Tottori, Shimane, Okayama, Hiroshima, Yamaguchi) Plej sudokcidente en Honŝuo, kampara regiono plej konata pro la urboj Hiroshima kaj Okayama.

Shikoku (Kagawa, Ehime, Tokushima, Kochi) La plej malgranda el la kvar ĉefaj insuloj, celo de budhismaj pilgrimuloj kaj la plej bona loko en Japanio por flosado.

Kyushu (Fukuoka, Saga, Nagasaki, Oita, Kumamoto, Miyazaki, Kagoshima) Plej suda el la kvar ĉefaj insuloj, naskejo de la japana civilizacio; plej grandaj urboj estas Fukuoka kaj Kitakyushu.

Okinawa Duontropikala suda insularo etendiĝante al Tajvano; antaŭe estis la sendependa Rjukju-reĝlando ĝis ĝia unuiĝo al Japanio en 1879, do siaj tradiciaj kutimoj kaj arkitekturo malsamas el la resto de Japanio.