Nepalo

Ĉefurbo

Nepalo (nepale: नेपाल Nepāl), estas lando en Suda Azio.

Nepalo estas senmara lando laŭ la montoĉeno Himalajo. Ĝi havas ok el la dek plej altaj montopintoj de la mondo, inkluzive de Ĉomolungmo, (ankaŭ konata kiel Monto Everest), la plej alta en la mondo, ĉe la limo kun Tibeto, kaj ankaŭ Lumbini, la naskiĝloko de Sidarto Gotamo (ankaŭ konata kiel la Budho); li estis la fondinto de Budhismo. Origine monarkio dum du jarcentoj, Nepalo estas nun respubliko ekde 2008.

Regionoj

Nepalo administe estas dividita en 7 provincojn kaj 77 distriktojn, sed laŭ turisma vidpunkto oni uzas la subajn dividojn, bazitajn sur la alteco de la lando, (kio estas pli utila por vojaĝantoj). De nordo al sudo estas do la sekvaj 5 regionoj:

Himalajo
La tegmento de la mondo, inkluzive de Ĉomolungmo, Anapurno, Nacia Parko Langtang kaj La Granda Himalaja Vojo kun multaj turismumaj, piedvojaĝaj kaj aliaj aventuraj sportaj ŝancoj.

Mezaj montetoj
La Monteta Regiono ("Pahar" en la nepala) estas plejparte inter 700 kaj 4.000 metroj da altitudo. Ĉi tiu regiono estas dividita de la montaro Terai per la Mahabharat Lekh (Malgranda Himalajo) kaj formas geografian mezan regionon inter la Terai kaj la Himalajo. Ĝi inkluzivas la pitoreskan Pokhara-Valon, popularan bazon por ekskursoj en la areo.

Katmandua Valo
En la valo estas Katmanduo, Patan kaj Bhaktapuro; ĝi estas la koro de Nepalo kaj kruciĝo de kulturoj kun multaj temploj kaj monumentoj.

Okcidenta Terai
La okcidenta flanko de la Terai kun la Nacia Parko Chitwan kaj la Nacia Parko Bardia. Ankaŭ hejmo de Lumbini, la naskiĝloko de Budho.

Orienta Terai
Loĝata areo kun Biratnagar, la dua plej granda urbo de Nepalo.

Urboj

Katmanduo — ĉefurbo kaj kultura centro de Nepalo, kun ĝia placo Hanumandhoka Durbar kaj la stupaoj ĉe Boudhanath kaj Swayambhunath.
Bhaktapur — bone konservita historia urbo, centro de pilgrimado kaj nepala ceramikfarado; motorveturiloj ne estas permesitaj.
Biratnagar — grava agrikultura kaj industria centro, kaj centro por politiko en orienta Nepalo.
Janakpur — historia religia centro kaj hejmo de la 500-jaraĝa Janaki Templo.
Namche Bazaar — ŝerpa setlejo en la regiono Solu Khumbu populara ĉe migrantoj.
Nepalgunj — la ĉefa centro por la Mez- kaj For-Okcidenta Evolua Regiono; Nacia Parko Bardiya kaj Nacia Parko Banke estas proksime.
Patan — bela, historia Patan Durbar Square estis nomumita Monda Heredaĵo de UNESKO en 1979.
Pokhara — pitoreska lagoborda urbo rapide fariĝanta la preferata celloko por vojaĝantoj pro la pejzaĝo, aventuraj sportoj, restoracioj, hoteloj kaj koncerta scenejo.

Aliaj cellokoj

Enfermita inter la neĝaj pintoj de Himalajo kaj la varmegaj ebenaĵoj de Barato, Nepalo delonge estis hejmo por vagantaj asketoj kaj tantraj jogistoj. Sekve, la lando havas abundon da sanktaj lokoj kaj naturaj mirindaĵoj:

Annapurna — Populara migrada regiono de Nepalo kun la mondfama Annapurna Cirkvito.
Nacia Parko Chitwan — Monda heredaĵo kun tigroj, rinoceroj kaj ĝangalaj bestoj.
Daman — Malgranda vilaĝo en la montoj ofertanta panoramajn vidojn de Himalajo; aparte impresa ĉe sunleviĝo kaj sunsubiro.
Haleshi (Tibeta: Maratika) — La loko de montkaverno kie Padmasambhava atingis staton preter vivo kaj morto.
Lumbini — La sankta loko de la naskiĝo de Budho Ŝakjamunio.
Monto Everesto — La plej alta pinto de la mondo.
Nagarkot — Monteta stacio unu horon for de Katmanduo ofertanta bonegajn vidojn de la Himalaja Montaro.
Parping — La loko de pluraj sanktaj kavernoj asociitaj kun Padmasambhava, la fondinto de tibeta budhismo.
Tangting — Bela, kaj ankoraŭ malmulte vizitata, tradicia Gurung-vilaĝo kun impresa vidaĵo de la Anapurna montaro.

Esperanto

Nepala Esperanto-Asocio

Retadreso: nespa.1990@gmail.com