Sirakuzo

Sirakuzo

Lando

Italio

Regiono

Sicilio

Loĝantaro

116.512 (2021)

Alto

17

Sirakuzo estas urbo en Sicilio, Italio.

Kompreni

Kelkfoje nomata la urbo de la mito, pro sia riĉa greka heredaĵo de la antikveco. Ĝia plej fama antikva civitano estis Arkimedo; ankaŭ Santka Lucia estis sirakuzanino. Ĝiaj loĝantoj estas ankaŭ nomataj aretusanoj; de la nomo de la antikva ninfo Aretusa kiu laŭ la greka mito loĝis en la akvoj de Sirakuzo. Sirakuzo èstas unu el la ĉefaj cellokojn de la turismo en sicilio.

Sirakuzo leviĝas sur la sudorienta flanko de Sicilio. Ĝia geografio estas tre varia, interne estas montetoj de modera alteco, dum du riveroj rondiras la sudokcidentan flankon de la urbo. Ĝi plejparte limas al la maro, kiu ĉirkaŭas ĝin preskaŭ tute. La marbordo, plejparte ŝtona kaj dentita, montras plurajn terkapojn, golfojn, insuletojn kaj duoninsulojn.

La urbo evoluas parte sur la insulo Ortigia kaj parte sur la ĉeftero; ĉeftero kiu ĉiukaze troviĝas sur la plej granda insulo en Mediteraneo: Sicilio. Ĝuste pro tiu geografia propreco, Sirakuzo ofte estas referita kiel insulo ene de insulo.

La akvoj de la rivero Ciane fluas el la fonto Ciane, kiu laŭ greka mitologio estas la loko kie la dio de la submondo Plutono sinkis en Hadeson kun la diino Persefono, sinjorino de printempo, kies malapero kostis al Sirakuzo la koleron de la patrindiino Demetra. Iam la Ciane fluis en la Ionian maron kun sia propra estuaro; en modernaj tempoj, aliflanke, la Sirakuzanoj deturnis ĝian kurson igante ĝin aliĝi al la rivero Anapo. La Ciane de Sirakuzo ankaŭ estas konata ĉar ĝi reprezentas la plej grandan kolonion de papirioj en Eŭropo kaj unu el la malmultaj lokoj en la mondo, krom Nilo, kie ĝi kreskas lukse kaj abunde: laŭ fakuloj ĝi estis donacita al Sirakuzo de la faraonoj jam antaŭe de la 3-a jarcento. a.K.. La Ciane, kies fontoj ekestas ne malproksime, hodiaŭ formas la Sala Natura Rezervejo (fakte, iam Sirakuzo ankaŭ produktis salon) kaj estas navigebla per malgrandaj boatoj, tial ĝi estas plene parto de la turisma itinero kiun Sirakuzo ofertas.