Splito (Split)
Lando	Kroatio
Regiono	Dalmatio
Loĝantaro	178 192 (2011)
Alto	0-178m

Splito estas la plej granda urbo en Dalmatio en Kroatio.

Kompreni

Ne granda urbo, tamen ankaŭ ne malgranda, Splito estas la plej granda urbo de la regiono Dalmatio.

Ĝi iĝis fama jam dum la Romia Imperio pro la apuda vilao kie la imperiestro Diokleciano loĝis post sia rezigno.

Pro sia milda klimato, sia ĉarma situo ĉe la maro kaj sia historia urbocentro, Splito estas konsilinda turisma celo.

Aliri

Aliri avie

La flughaveno de Splito situas 25 km okcidente de la urbo, apud la urbeto Kaštel Štafilić. Estas kunligoj kun pluraj urboj en Kroatio kaj en aliaj landoj de Eŭropo.

Oficiala retejo: www.split-airport.hr (angle, kroate).

Eblas veturi de la flughaveno al la urbo en pluraj manieroj:

• taksie
• per rektaj busoj de Pleso (angle, kroate) (veturdaŭro ĉ. 30min)
• per urbaj busoj de Promet (linio 37) (angle, kroate)
• per buso + trajno, kun ŝanĝo en Kaštel Stari, informoj ĉe www.split-airport.hr/images/Integ_linija.pdf

Aliri ŝipe

Estas pramoj inter Ancona en Italio kaj Splito, de la kompanioj Jadrolinija kaj Snav. Kutime la pramoj forveturas vespere kaj alvenas matene; la veturo daŭras 10-11 horojn. Veturoj estas pli oftaj somere kaj en la ceteraj sezonoj ne estas ĉiutagaj.

Aliri bicikle

Splito situas ĉe la Eŭrovelo 8 - Mediteranea Vojo, bicikla vojo de Hispanio al Grekio kiu en Kroatio laŭiras pli-malpli la Adriatikan marbordon. Detalaj informoj pri la kroata sekcio haveblas ekzemple ĉe eurovelo8.hr (angle, kroate).

Transportiĝi

Aĉeti

Loĝi

Esperanto