| ||
 | ||
| Lando | Grekio | |
| Regiono | Sudegeaj insuloj | |
| Loĝantaro | 37 089 (2021) | |
| Alto | 846 m | |
Koo (esperante ankaŭ Kos; internacie Kos; greke Κως, Δήμος Κω /kos, 'dimos ko/) estas unu el la Sudegeaj insuloj en Grekio. La ĉefurbo estas samnoma.
Kompreni
[redakti]Koo estas roka, kruta insulo, longa ĉirkaŭ 50 km kaj larĝa nur 10 km maksimume. La plej alta monto, Dikeos (Δίκαιος), atingas 846 m.
Koo estas unu el la grekaj insuloj plej proksimaj al la turka bordo: la markolo mallarĝiĝas ĝis malpli ol 5 km.
Koo estas unu el la insuloj (tradicie dekdu, fakte pli multenombraj) membroj de la Dodekanesoj. El ili ĝi estas la dua laŭ areo post Rodoso.
Historio
[redakti]Klimato
[redakti]Aliri
[redakti]Aliri aviadile
[redakti]Estas internacia flughaveno en la centrokcidenta parto de Koo, pli aktiva somere. Ĝi estas 22 km for de la insula ĉefurbo. Nomo: Ιπποκράτης, Ippocratis. IATA-Kodo: KGS. Retejo: KGS Airport (angle, greke).
Dum la tuta jaro estas flugoj de Aegean, Sky Express, Olympic, al/de Ateno, Tesaloniko, kaj malofte al/de aliaj egeaj insuloj. Somere pli multaj kompanioj priservas la flughavenon kaj pli multaj lokoj, ankaŭ ekster Grekio, estas kunligataj per komercaj flugoj.
Somere eblas ankaŭ flugi al la flughaveno Milas-Bodrum en Turkio (IATA-Kodo: BJV), kunligata kun Istambulo, Ankaro kaj aliaj turkaj urboj, kaj kun pluraj lokoj en Eŭropo, okcidenta Azio kaj Nordafriko. De Bodrum al la urbo Koo estas mallonga ŝipa vojaĝo (ĉ. 1h); memoru tamen ke Turkio estas ekster la spaco Schengen kaj necesas trapasi pasportan kontrolon.
Aldone, precipe somere, eblas flugi al/de Rodoso kaj ŝipveturi de tie al Koo (ĉ. 3-4h).
