Grekio (GR)
Ĉefurbo	Ateno
Areo	131 945
Loĝantaro	10 993 000 (2014)
Monunuo	Eŭro
Tel. antaŭkodo	+30
Horzono	UTC +2

Grekio, aŭ Grekujo, greke Ελλάδα (Ellàda), estas lando en mondoparto Eŭropo, la plej suda lando de la Balkana Duoninsulo.

Regionoj

De la turisma vidpunkto, eblas dividi Grekion en 4 regionojn, kun la aldono de multegaj insuloj.

Regionoj de Grekio (ne oficialaj, nur de turisma vidpunkto)

Atiko La regiono ĉirkaŭ Ateno

Peloponezo La suda parto de Grekio, kun famaj historiaj urbo (Mikeno, Olimpio ktp)

Centra Grekio

Norda Grekio Pluraj montaroj, inter kiuj la fama monto Olimpo, la plej alta pinto de Grekio kaj de la tuta balkana duoninsulo (2918m)

Grekaj insuloj (Ioniaj insuloj: Korfuo, Zakinto) Eubeo (la sesa plej granda insulo de Mediterano, komparebla al Majorko pri areo (en la bildo ĝi estas montrata kiel parto de Centra Grekio), Egeaj Insuloj (la plej multenombraj, situantaj en la Egea Maro), Ioniaj Insuloj (la plej okcidentaj, situantaj en la Ionia Maro)

Kreto La kvina insulo de Mediteraneo laŭ areo, preskaŭ samgranda kiel la Korsiko, kaj tre riĉa je historiaj postrestaĵoj

Urboj

Plej grandaj urboj:

• Ateno
• Lariso
• Patraso
• Tesaloniko

Malgrandaj urboj kun turismaj aĵoj:

• Ĥanio (en Kreto)
• Korinto
• Tebo

Gravaj insuletoj (ofte la ĉefurbo estas samnoma):

• en la Egea Maro:
  • Deloso
  • Ĥio
  • Mikonoso
  • Mitileno aŭ Lesbo
  • Naksoso
  • Rodoso
  • Samoso
  • Santorino
• en la Ionia Maro:
  • Itako
  • Kefalonio
  • Korfuo
  • Zakinto

Komprenu

Vizitantoj estas tirataj al la strandoj de la lando kaj fidinda sunplena somera vetero, ĝia nokta vivo, historiaj ejoj kaj natura beleco. En 2007, Grekio ricevis 17 milionojn da vizitantoj, grandan nombron por malgranda lando de 11 milionoj.

Eniri

Ekde la 26-a de marto 2000 (sen Athos) en la ŝtato validas la Traktato de Schengen. Tiel forfalas la limkontroloj ene de la Eŭropa Unio kaj civitanoj de la unio por vojaĝo al Grekio bezonas nur personan legitimilon, nek pasporton nek vizon.

Eksteraj ligiloj

• Grekio ĉe Vikipedio