Lesbo (Λέσβος)
Lando	Grekio
Regiono	Nordegeaj insuloj
Loĝantaro	86 000 (2011)
Alto	0-968 m

Lesbo (greke Λέσβος /'lesvos/) kun ĉirkaŭ 1600 km² estas la plej vasta el la Nordegeaj insuloj en Grekio. Ĝia ĉefurbo estas Mitileno kaj iuj konas la tutan insulon sub la nomo de ĝia ĉefurbo.

Aliri

Aliri aviadile

La flughaveno de Lesbo situas sudoriente de la ĉefurbo Mitileno (nur 7 km for de ĝi). IATA-kodo: MJT.
Retejo: www.mjt-airport.gr (angle, greke)

Estas flugoj al Lesbo de Grekio, Turkio kaj malmultaj aliaj eŭropaj landoj (Britio, Nederlando, Pollando, Svedio ktp). Eblas atingi Lesbon de multaj pluaj lokoj per aviadilaj korespondaj en Ateno aŭ Istanbulo.

Aliri ŝipe

La kompanio Blue Star Ferries aranĝas ŝipajn veturojn de Ateno (Pireo) al Lesbo. Kutime la vojaĝo komenciĝas posttagmeze aŭ vespere kaj daŭras 12-16 horojn, kun haltoj en kelkaj aliaj insuloj. Ordinare, la ŝipoj haltas nur en Mitileno, sed somere kelkaj veturoj haltas ankaŭ en Sigri, ĉe la okcidenta bordo de Mitileno, do pli proksima al Pireo.

Eblas ankaŭ preni ŝipon en Tesaloniko (foriro vespere, alveno matene, 10h) aŭ en Kavala (8h al Lesbo), sed veturoj estas pli maloftaj.

Aldone, la sama kompanio aranĝas kunligojn inter Lesbo kaj pluraj aliaj insuloj.

La kompanio Turyol kunligas Mitileno kun la turka haveno Ayvalik, kiu estas la plej proksima haveno en firma grundo. La vojaĝo daŭras nur 1h30.

Informoj ankaŭ ĉe agentejoj kiel aferry.com, directferries.com ktp.

Aliri aŭte

Per pramoj eblas kunporti aŭtojn en Lesbon (vidu supre).

Vidi

1 - Mitileno (Μυτιλήνη /mitiˈlini/) gardas vidindaĵojn el antikva tempo (teatrejon, parton de la malnova haveno, romian akvokondukilon ktp), el la frua Mezepoko (la grandan fortikaĵon super la urbo), el la osmana regado (banejojn, moskeojn), kaj pli freŝdatajn; aldone ĝi enhavas plurajn museojn.