Maceió
Lando	Brazilo
Regiono	Alagoaso
Loĝantaro	958 000 (2022)
Alto	0-300 m

Maceió (elp. mase'jo, esperante ankaŭ Masejoo aŭ Macejoo) estas urbo en la ŝtato Alagoaso en nordorienta Brazilo.

Kompreni

La nomo de Masejoo devenas de la tupia lingvo kaj precize de la vorto maçayó = "fermanta la marŝon", priskribanta la lokon kie troviĝas nun la urbo, inter laguno kaj ĉemara sablejo.

(...)

Aliri

Aviadile

La internacia flughaveno de Masejoo (nomo: Zumbi dos Palmares, IATA-kodo: MCZ, retejo: www.aenabrasil.com.br/pt/aeroportos/aeroporto-internacional-de-maceio-zumbi-dos-palmares) kuŝas ĉirkaŭ 20 km norde de la urbo, ĉe la vojo al Rio Largo.

Malgraŭ la adjektivo "internacia", preskaŭ ĉiuj komercaj flugoj de/al Masejoo kunligas ĝin al aliaj urboj en Brazilo (Brazilio, Sankta-Paŭlo, Belo-Horizonte ktp). Nur malmultaj kunligas ĝin rekte al urboj ekster Brazilo; inter ili, indas mencii la rektajn flugojn de Masejoo al Lisbono de la kompanio TAP (la vojaĝo daŭras 9-10h).

Por atingi la urbon de la flughaveno, eblas uzi taksiojn aŭ busojn (ônibus).

Moviĝi

Per publika transporto

La kompanio CBTU funkciigas du urbajn trajnliniojn, la BLUAN (Linha Azul) kaj la VERDAN (Linha Verde). La Blua Linio atingas la urbeton Rio Largo, ĉirkaŭ 20 km ekster Masejoo.

retejo: CBTU (PT)

Loĝi

En la urbo, estas 1 gastiganto de Pasporta Servo ^(2024/05).

Esperanto

En julio 2024 okazos en Masejoo la ILEI-Kongreso aranĝita de la Internacia Ligo de Esperantistaj Instruistoj.

Lokaj esperantistoj

La esperanto-klubo fondita jam en 1910 bedaŭrinde ne longe daŭris. Nun aktivas la Alagoana Asocio de Esperanto, fondita en Masejoo en la jaro 1971. Informoj haveblas interrete ĉe: Alagoana Asocio de Esperanto en Fejsbuko.