Toskana insularo
| ||
| Lando | Italio | |
| Regiono | Toskanio | |
| ||
| 400px|noframe|Situo de Toskana insularo. | ||
| Areo | 268 km² | |
| Loĝantaro | 32.937(2016) | |
La Toskana insularo estas areo de Toskanio.
Tiu ĉi insularo, en la kristalklarajn akvojn de la toskana maro, konsistas el kvin insulojn, inkluzive de la Insulo Elba, la tria plej granda insulo en Italio.
Ĉiuj ĉi tiuj insuloj, same kiel la tuta areo, estas parto de la Nacia Parko de la Toskana Insularo.
Insuloj[redakti]
Urboj[redakti]
- Campo nell'Elba - 4.687 disaj loĝantoj. ĉefurbo estas la vilaĝeto Marina di Campo, en la Insulo Elba.
- Capoliveri - 3.894 loĝantoj sur la insulo Elba.
- Capraia Isola - 372 loĝantoj. Ĝi estas la nura municipo de la insulo Kapraja
- Marciana - 2.039 loĝantoj, en la Insulo Elba.
- Marciana Marina - 1884 loĝantoj, en la Insulo Elba.
- Portoferraio - 11.810 loĝantoj; ĝi estas la ĉefa urbo en la Insulo Elba.
- Porto Azzurro - 3.643 loĝantoj, en la Insulo Elba.
- Rio - 3.369 loĝantoj, disaj inter Rio Marina kaj Rio nell'Elba.
Fari[redakti]
Eble unu el la plej deziritaj celoj en la insularo estas tiu al la Insulo Montekristo ĉar oni povas eniri nur laŭ atendolisto kiu havas limigitan nombron da lokoj, kaj do la atendolisto pleniĝas rapide. Post elŝipiĝo eblos fari gviditajn ekskursojn, kiuj ne estas tro malfacilaj.
En majo eblas ĉeesti la 100-mejla velregato de Montecristo, kiu okazas en la toskana insularo ekde Piombino, kaj alvenas al San Vincenzo kun 100-mejla itinero uzante la insulon Elba kaj la Scoglio d'Africa kiel naturajn buojn. Ĝi estas antaŭita de serio de promociaj eventoj, sponsoritaj de la Ministerio pri Medio, la Nacia Parko de la Toskana Insularo, kaj de la institucioj de la areo.
Manĝi[redakti]
Sur la Insulo Elba oni manĝas gurguglione, la elban analogon de ratatouille ofte servata sur pano. En la sama areo vi povas trovi la sburrita, gustigitan moruan supon, ankaŭ kun tranĉaĵoj de pano. Rio-stila stokfiŝo estas plado farita el sekigita moruo kun tranĉaĵoj de cepoj, tomatoj, nigraj olivoj, paprikoj kaj aliaj ingrediencoj. En la montara regiono de Elbo ankaŭ vi povas trovi pladojn bazitajn sur kaŝtanoj aŭ fungoj. Inter la marmanĝaĵoj estas cacciucco je la Elba maniero, variaĵo de la pli fama cacciucco je la Livorna maniero.
Inter la desertoj estas la schiaccia briaca (de "ebria", pro la uzo de vino en la pasto) kiu estas malpeze fermentita kristnaska deserto kun nuksoj kaj sekvinberoj. Origine ĝi estis simpla dolĉa fokaĉo, tiam en la 19-a jarcento la schiaccia estis "ebriigita" kun vino Aleatico kaj alchermes, likvoro de toskana origino ofte uzata por koktela torto.
Sur la Insulo Kapraja troviĝas la zuppa di sammula, speco de sovaĝa ajlo; sed kio plenigas la tutan insulon per turistoj en la monato novembro estas la kalmaro festo.
Trinki[redakti]
La Aleatico Passito Elba estas unu el la italaj DOCG-vinoj produktitaj ekskluzive sur la Insulo Elba. Ĉi tiu ne estas likvoro, sed estas deserta vino farita kun sekigitaj vinberoj. Tradicie, en la insulo Elbo, ĝi estas asociita al Schiaccia Briaca. Ankaŭ aprezita kun ĉokolado aŭ persikoj, aŭ simple kiel "medita vino", sen pariĝoj.