Balatonlelle

Balatonlelle

Lando

Hungario

Regiono

Meza Transdanubio

Loĝantaro

5 223

Balatonlelle estas malgranda urbo kaj vaste konata somera banloko en meza parto de Transdanubio en Hungario. La urbeto estas konata pli mallonge kiel Lelle.

Kompreni[redakti]

Balatonlelle situas sur ebenaĵo kaj sur montetoj laŭ suda bordo de Balatono. Balatonboglár troviĝas nur 3, Fonyód 12, Siófok 30, Keszthely 34, Kaposvár 47, Pécs 90, Budapeŝto 129 kilometrojn (aere).

Historio[redakti]

La unua hungara mencio pri Balatonlelle okazis en 1229. Ekde 1550 turka dominado okazis, la loĝantaro malpliiĝis. En 1848 Lelle ricevis kampurban statuson, en 1861 la fervojo alvenis kaj portis evoluon. En 1978 Balatonboglár kaj Balatonlelle unuiĝis, kies nomo estis Boglárlelle. La unio ricevis urban statuson en 1986. Fine en 1991 la du urboj disiĝis al du memstaraj urboj.

Klimato[redakti]

Balatonlelle troviĝas en modera, kontinenta klimato, same kiel plena Hungario.

Eniri[redakti]

Balatonlelle estas bone alirebla voje kaj trajne el Budapeŝto kaj Kroatio, en la somera periodo ankaŭ ŝipe el aliaj havenoj de Balatono.

Eniri avie[redakti]

La plej proksimaj internaciaj flughavenoj funkcias ĉe Keszthely kaj Budapeŝto.

Eniri trajne[redakti]

Balatonlelle situas laŭ ĉefa linio inter Budapeŝto kaj Kroatio. Plej ofte ĉiuj vagonaroj haltas.

Eniri voje[redakti]

Balatonlelle situas laŭ ĉefvojo Budapeŝto-Nagykanizsa kaj preteriras aŭtovojo M7 Budapeŝto-Kroatio. Kuras flanka vojo al Kaposvár. Aŭtobusoj venas el ĉiuj direktoj, tamen ofte mur somere.

Eniri ŝipe[redakti]

Haveno de Balatonlelle akceptas ofte ŝipojn el la ceteraj ĉe-Balatonaj havenoj.

Transportiĝi[redakti]

Transportiĝi perpiede kaj bicikle[redakti]

Balatonlelle havas trotuarojn laŭ la vojoj por perpieduloj. La loĝantoj kutimiĝis al la biciklantoj, sed mankas bona aparta bicikla vojeto ĉirkaŭ la lago. Ĝenerale la trejnoj havas apartan peronon por bicikloj.

Transportiĝi taksie[redakti]

Estas 2 privataj taksiaj entreprenoj en Balatonlelle. Plej supre estas lampo por signi la liberan staton. Vi povas voki ilin telefone, pli malofte mansvinge. Forlasi la urbon jam kostas duoble.

Publika transporto[redakti]

En Balatonlelle publika transporto ne estas, la urbeto estas trairebla perpiede.

Transportiĝi aŭte[redakti]

Balatonlelle havas urban vojreton por aŭtoj. La somera periodo la trafiko estas densa.

Vidi[redakti]

w:eo:Preĝejo Sankta Triunuo (Balatonlelle)
w:eo:Kapelo de Sankta Donato (Balatonlelle)
muzeo
somera strando

Fari[redakti]

Bani en Balatono. La suda lagobordo estas ŝatata de familioj, ĉar la akvo nur longe ne profundiĝas, tial la loko estas konvena por infanoj aŭ nenaĝantoj.