Bjalistoko
Lando	Pollando
Regiono	Podlaĥia Provinco
Loĝantaro	296 958 (2020)
Alto	140 m

Bjalistoko (Pollando) RUSIO LITOVIO UKRAINIO SLOVAKIO ĈEĤIO GERMANIO DEC Varsovio Varsovio DEC Gdansko Gdansko DEC Krakovo Krakovo DEC Bjalistoko Bjalistoko

Bjalistoko (pole: Białystok /bʲaˈwɨstɔk/) estas urbo en nordorienta Pollando, ĉefurbo de Podlahia Provinco kun preskaŭ 300mil loĝantoj.

Ĝi estas tre grava urbo por la esperantistoj, ĉar ĉi tie naskiĝis L. L. Zamenhof (Zamenhofo), la kreinto de Esperanto. Aldone, ĝi estas historia urbo, fondita en 1440, kun pluraj monumentoj.

Kompreni

Bjalistoko situas en ebenaĵo kun mildaj montetoj kaj lagetoj, modelita de la glaciaj epokoj. Ĝi kuŝas sur ambaŭ bordoj de tre mallonga - sed ne tre mallarĝa - rivero, la Biała, apartenanta al la baseno de la rivero Narevo (Narew). La nomo Biała signifas en la pola "blanka (rivero)", kaj la nomo de Bjalistoko "blanka deklivo".

Aliri

Aliri avie

Estas malgranda flughaveno en Bjalistoko, kiu tamen ne estas malferma al komercaj flugoj.
Retejo: www.epbk.pl (nur en la pola).

La plej proksimaj flughavenoj uzeblaj kun komercaj flugoj estas:

• la flughaveno de Varsovio (ĉ. 200 km) - eblas vojaĝi trajne de tie al Bjalistoko, kun ŝanĝo en la Centra Stacidomo de Varsovio (ĉ. 3h30 sume)
• la flughaveno de Olŝtino (Olsztyn) (ĉ. 190 km)

Aliri trajne

Bialistoko estas la lasta halto de trajnoj "IC" Vroclavo - Ĉenstoĥovo - Varsovio - Bjalistoko (ĉ. 7h de Vroclavo, preskaŭ 3h de Varsovio).

Esperanto

Bjalistoko estas la naskiĝurbo de Ludviko Zamenhof.

• En Bjalistoko estas turisma itinero pri Esperanto kaj pluraj kulturoj (retejo en la pola).
• La supra itinero estas ekde junio 2009 ankaŭ priskribita en Esperanto. Ĝi gvidas turistojn laŭ la plej gravaj lokoj ligitaj kun la multkultureco de la urbo kaj Esperanto: Malkovru Bjalistokon (la supra itinero en Esperanto).

Lokaj esperantistoj

En la urbo funkcias la Bjalistoka Esperanto-Societo, refondita en 1991 (la unua loka esperantista asocio estis fondita en 1921).
Retejo: espero.bialystok.pl/eo.