El Vikivojaĝo
Tero > Ameriko > Nordameriko > Kanado > Kebekio > Montrealo

Montrealo

Salti al navigilo Salti al serĉilo
Montrealo
Montrealo Flago (aŭ blazono)
La malnova haveno en Montrealo
Lando Kanado
Regiono Kebekio
Loĝantaro 1 704 694 (2016)
Alto 31

Montrealo estas la plej granda urbo en Kebekio. Kvankam Kebekurbo estas la oficiala ĉefurbo; Montrealo estas la ekonomia kaj kultura centro de la provinco, kaj ankaŭ ĝia ĉefa enirejo. Kun 1,7 milionoj da civitanoj en la urbo kaj 4 milionoj en la urba areo, Montrealo estas la due plej granda urbo de Kanado, kaj la plej granda franclingva urbo en Ameriko. Tamen, ĉirkaŭ 12% de la populacio parolas la anglan kiel gepatran lingvon, kaj la plej multaj franclingvanoj regas la anglan diversgrade. Malnova Montrealo havas heredaĵon de koloniaj tempoj. Kvankam Montrealo estas grandurbo, ĝi provizas oportunojn por subĉiela vivo, kaj por spekti la legendan glacihokean teamon Montréal Canadiens.

Kvartaloj[redakti]

Centra Montrealo[redakti]

Areo Ville-Marie[redakti]

Kvartaloj de okcidento al oriento:

Distriktoj de Montrealo
Urbocentro
nubskrapuloj, aĉetado, muzeoj, Parc du Mont-Royal.
Malnova Montrealo
Historia riverbordo Malnova urbo kaj Malnova haveno plutenas kuriozan senton, kvankam ĝi estas ŝtopita de amaso da turistoj.
Quartier Latin-Le Village
Restoracioj, butikoj, kafejoj, drinkejoj proksime de UQAM en la Quartier Latin, gejaj drinkejoj kaj kluboj en Le Village, kaj la laborista kvartalo de Sainte-Marie.
Parc Jean-Drapeau
La insuloj Île Sainte-Helene kaj Île Notre-Dame kaj la Montreala Kazino.

Distrikto Plateau Mont-Royal[redakti]

Plataĵo
Laŭmoda areo norde de urbocentro kaj oriente de Parc du Mont-Royal.
Mile End
Bageloj, restoracioj, kafejoj, la Teatro Rialto, kaj butikoj.

Aliaj Montrealaj distriktoj kaj Montrealaj Insulurboj[redakti]

Rosemont–La Petite-Patrie
Malgranda Italio kaj merkato Jean-Talon.
Westmount–Notre-Dame-de-Grâce
Luksa anglalingva enklavo de Westmount kaj la promesplena kvartalo de Notre-Dame-de-Grâce.
Hochelaga-Maisonneuve
Olimpika parko, Botanikaj ĝardenoj.
Côte-des-Neiges
Multkultura kvartalo nordokcidente de la monto.
Outremont
Altnivela franclingva kvartalo.
Sud-Okcidento
Inkluzive de Lachine-kanalo, Atwater Market (nepra!), pliriĉiĝanta St. Henri, kaj la emerĝiĝanta kuirarta centro, Petite-Bourgogne.
Verdun
Kvieta kvartalo kun emerĝanta kuirarta sceno kaj agadoj laŭ la rivero.

Aliloke sur la insulo[redakti]

Okcidenta insulo
La okcidenta parto de la insulo Montrealo. Ĝi estas plejparte loĝantaŭurbo de la grandurbo de Montrealo. Ĝi estas la loko de Montreala Pierre Elliott Trudeau Flughaveno kaj MacDonald Campus de McGill University. La loĝantoj estas plejparte anglalingvanoj (aŭ "anglofonoj"), kontraste al la plejparte franclingvaj loĝantoj de la resto de Montrealo (ekskludante Westmount). (Proksimume 55% de la populacio estas anglofonaj, 20% estas franclingvaj, kaj 25% estas "aliaj". )
Norda insulo
Orienta fino
Konsistanta de la Montrealaj urbetoj de Rivière-des-Prairies-Pointe-aux-Trembles kaj Anĵuo, kaj la Grandurbo de Montréal-Est


Kompreni[redakti]

Île de Montréal.png

Surprize, la milionurbo de Montrealo estas entenata en unu el la insuloj de la rivero Sankt-Laŭrenco, la Insulo Montrealo (sama nomo de la urbo). Tio estas malpli surprize, se oni pripensas ke la Sankt-Laŭrenco estas la elfluanto de la plej grandaj sensalaj lagoj en la mondo, la Grandaj Lagoj, kaj ankaŭ estigas la faman Niagaran Akvofalaron.

Kvankam la insulo estas plejparte ebena, estas tamen malalta monteto nomata tamen monto, la Mont-Royal ("Reĝa Monto"), atinganta 232m. Ĝi donis la nomon al la urbo kaj al la insulo.

En Montrealo la plimulto de la loĝantoj parolas denaske la francan; inter 15% kaj 25% (laŭ malsamaj statiskoj) parolas denaske la anglan; la ceteraj parolas denaske aliajn lingvojn (enmigrintoj aŭ idoj de enmigrintoj).

Sur la rivero estas pluraj havenoj, ĉar Sankt-Laŭrenco estas ŝipirebla.

Historio[redakti]

La unuaj eŭropanoj kiuj atingis la insulon Montrealon estis direktataj de Jakobo Kartiero (Jacques Cartier) kaj alvenis ĉi-tien en 1535. Ili trovis en la insulo vilaĝon de Irokezoj, nomatan Oŝelaga, kaj donis al la plej alta monteto en la insulo sian nunan nomon, Mont-Royal.

En 1611 Samuel de Champlain fondis komercan postenon en la insulo Montrealo (Place Royale), sed nur en 1642 grupeto de ĉirkaŭ 50 francoj estigis etan urbon (Ville-Marie) apud tiu posteno.

La urbo kaj la insulo restis sub Francio ĝis 1760, kiam ĝi estis konkerita de Anglio. En 1867 la tuta Kanado iĝis sendependa.

Dum la 19-a jarcento, la urbo spertis grandan kreskon: en 1801 la loĝantoj estis ankoraŭ nur 9000, en 1901 ili estis jam pli ol 300mil (do, pli ol la 30-oblo). En 2001 la loĝantoj estis 1 040 000 kaj en 2016 ili estis 1 704 694.

Klimato[redakti]

Vintroj estas tre malvarmaj. En decembro, januaro, februaro, komenco de marto, ankaŭ la tagaj temperaturoj restas kutime sub nulo, kaj nokte la temperaturo malaltiĝas ofte ĝis -15°C aŭ -20°C. Eblas tamen rapidaj temperaturŝanĝoj: en 1957, januare, la temperaturo malaltiĝis ĝis -38°C, kaj en 2001, decembre, altiĝis ĝis +18°C.

Someroj estas mezvarmaj, kun tagaj temperaturoj kutime ĉirkaŭ 25°C. Eksterordinare tamen la temperaturo povas atingi kaj superi 35°C (en 1975, aŭguste, ĝi atingis preskaŭ 38°C). Aliflanke, eĉ dum somero povas okazi malvarmetaj noktoj.

Pluvoj estas abundaj, sed ne abundegaj (ĉ. 1000mm jare). Inter decembro kaj marto kutime neĝas. Ankaŭ en aprilo kaj novembro povas neĝi (pli malofte). La kvanto da pluvo- aŭ neĝotagoj ne multe varias dum la jaro, ĝi estas kutime inter 11 kaj 17 ĉiun monaton (la plej malalta nombro okazas en aŭgusto kaj septembro).

Eniri[redakti]

YMQ IATA estas uzata kiel la metropola flughavena kodo por la flughaveno kaj stacidomo.

Eniri avie[redakti]

Flughaveno Montréal-Pierre Elliott Trudeau (YUL IATA) ankaŭ konata al lokuloj kiel "Dorval Airport", estas okcidente de la urbocentro sur Expressway (Autoroute) 20. Vojaĝtempo al la flughaveno de la urbocentro estas ĝis unu horo, depende de trafiko.

Por veturi de la flughaveno al Montrealo vi povas uzi publikan transporton, flughavenan navedbuson aŭ taksion.

Eblas veturi al urbocentro per pli malmultekosta ordinara publiktransporta sistemo. Malfrue nokte tio estas en ordo, sed dum pinthoroj, vi devos plurfoje ŝanĝi veturilojn, kiuj eble estos plenplenaj. Do vere estas plej bone fari tion nur se vi havas tre malaltan buĝeton kaj/aŭ havas tre malpezan bagaĝon.

STM Airport Express buso 747 ofertas navedbusan servon inter la flughaveno kaj Montrealo 24 horojn tage. Ununura biletprezo kostos $10 (preciza ŝanĝo en moneroj nur kiam pagita en la buso) kaj inkluzivas senliman uzadon de la STM-a busa kaj metroa reto dum la sekvaj 24 horoj. Maŝino kiu akceptas kreditkartojn estas ene de la alvenareo kie vi povas aĉeti biletojn (inkluzive de tritaga bileto kontraŭ $18). La buso haltos ĉe la metrostacio Lionel-Groulx, kaj kelkaj busoj pluveturas al diversaj urbocentraj haltejoj (la signo de la buso indikas al kiuj).

La prezo de taksio al kaj de la urbocentro estas fiksita prezo de 40 dolaroj (glumarko sur la fenestro malantaŭ la ŝoforo donas la limojn de la zono kie la fiksita biletprezo validas; se vi iras de aŭ al lokoj ekster ĉi tiu zono, vi devos pagi mezuritan tarifon kun minimuma tarifo de 17 dolaroj).

Internaciaj flughavenoj en Plattsburgh (PBG IATA) kaj Burlington (BTV IATA) en Usono, estas 1 h 20 min kaj 1 h 50 min, respektive, per aŭto de Montrealo. Adirondack Trailways ofertas busservon de Plattsburgh Internacia Flughaveno al Montrealo. Greyhound ofertas busservon de Burlington Internacia Flughaveno al Montrealo. Por vojaĝantoj de Usono, ĉi tiuj flughavenoj povas oferti signifan monan ŝparon kompare kun Trudeau sed aldoni malkomforton pro neceso aranĝi surteran transporton inter Usono kaj Kanado.

Eniri aŭte[redakti]

Eniri trajne[redakti]

Eniri buse[redakti]

Eniri bicikle[redakti]

Moviĝi[redakti]

Montrealo estis historie dividita en orienton kaj okcidenton per bulvardo Saint-Laurent, kie la okcidenta flanko tradicie estas anglalingva kaj la orienta flanko tradicie estas franclingva. Numeritaj adresoj sur stratoj kiuj transiras Saint-Laurent komenciĝas tie kaj ties numero kreskas ambaŭdirekte; plej multaj adresoj estas en formo de "rue ____ Ouest" (okcidente) aŭ "rue ____ Est" (oriente). Multaj stratoj estas nomitaj laŭ katolikaj sanktuloj kaj konatuloj de loka historio, kaj bone konataj kaj obskuraj. En Montrealaj stratnomoj, "oriento" kaj "okcidente" rilatas al la direkto paralela al la rivero Sankta Laŭrenco, kaj "nordo" kaj "sudo" rilatas al la direkto perpendikla al la rivero Sankt-Laŭrenco. Ĉar la rivero Sankt-Laŭrenco fluas preskaŭ nord-sude proksime al la centro de Montrealo, "oriente", "okcidente", "norde", kaj "sude" estas fakte respektive nordoriente, sudokcidente, nordokcidente kaj sudoriente. Konfuze, la plej multaj mapoj montritaj en la grandurbo havas "Montrealan nordon" supre kiu povas esti konfuza kun satelitnavigacio kiu uzas polusan nordon. Ankaŭ, ne provu navigi rigardante la sunon!

Moviĝi piedire[redakti]

Publika transporto[redakti]

Metroo kaj buso[redakti]

Mapo de metroaj stacioj
Montreala meatro trajno ĉe la stacio Place-des-Arts
Société de transport de Montréal (STM)Tel.: +1-514 786-4636. Fehlender Typ

STM estas sekura, efika, kaj estas ĝenerale agrabla por uzado. Biletoj estis anstataŭigitaj per kartoj kun magneta strio validaj por unu vojaĝon, nomita bileto à la carte. Tiuj validas por unu vojaĝo (inkluzive de senlimaj transiroj en la sama vojo dum 90 min) en la metroo kaj busoj. Ili kostas 3,50 $ ĉiu (preciza biletprezo en moneroj estas postulata en la busoj sed ne en la metroo) sed estas ankaŭ haveblaj malpli koste kiam vi aĉetas du kontraŭ 6.00 $ aŭ dek kontraŭ 27.00 $ (estas bezonata OPUS-karto), de la metroa agento aŭ de la aŭtomata biletvendmaŝino en metrostacioj. Signoj kaj anoncoj estas nur en la franca, kvankam biletmaŝinoj estas dulingvaj en la franca kaj la angla. Multaj dungitoj de la vendotablo de metroo ankaŭ parolas la anglan.

Montrealaj metrostacioj kaj vagonoj ne havas klimatizilon: la Metroo foje povas malkomforte varmiĝi, en ĉiu sezono. Ĝi tamen estas ankoraŭ la plej bona transporta elekto en la urbo.

Nur certaj metrobiletoj validas en Lavalo kaj Longejlo. 10-vojaĝaj, semajnaj kaj monataj biletoj ankoraŭ ne estas akceptataj. Vi eble bezonos aĉeti alian bileton por la sama prezo (3.50 $). Plena listo de ĉiuj specoj de biletoj kaj ilia valideco troveblas en la oficiala retejo de STM.

Vi devas konservi vian pagkarton ĉar ĝi estas via transiga bileto kaj via pruvo de pago (correspondance). Trafikaj inspektistoj povas doni al vi grandan monpunon se vi ne povas montri ĝin kiam ili petas ĝin.

Se vi uzas kontantan monon por pagi vian bileton en la buso, gravas havi la ĝustan monsumon ĉar la ŝoforo ne redonas monon; vi ricevos bileton à la carte, pruvon de via pago kaj vian transiran bileton. Bildoj kaj specifaj instrukcioj troveblas en la oficiala retejo de STM.

Turismaj biletoj ofertas senlimajn vojaĝojn per buso kaj metroo dum periodoj de unu tago (10 $) aŭ tri tagoj (18 $) kaj ili multe valoras por eviti serĉadon de ŝanĝmono, kontroladon de transiraj tempoj kaj limigoj, kaj zorgadon pri eliro ĉe la malĝusta haltejo kaj devi denove pagi. Ekzistas ankaŭ opcio por senlimaj vesperoj (5 $), valida inter 18:00 kaj 05:00 de la sekva mateno, kiu povas esti praktika dum nokta eksterumado, ĉar ĝi estas malpli kosta ol aĉeto de dudirekta bileto (kiu kostus 6 $). Ili estas aĉeteblaj ĉe ĉiuj metrostacioj (nur pagado per kontanta mono aŭ Kanadaj kreditaj aŭ debetaj kartoj). Semajnaj (25.50 $, valida por unu kalendara semajno kuranta de lundo ĝis dimanĉo) kaj monataj (83 $, valida por kalendara monato) estas ankaŭ haveblaj. Male al unu-taga kaj tri-taga biletoj, semajnaj kaj monataj biletoj devas esti ŝarĝitaj en OPUS-karton (vidu sube) kaj ne haveblas en formo de papera bileto.

La OPUS-karto estas saĝkarto kun ĉipo, kiu enhavas viajn biletojn kaj transirajn informojn. La OPUS-karto aĉeteblas en ĉiuj metrostacioj kaj vendejoj de trafikaj biletoj. En Januaro 2017, la karto kostis 6 $. Vi povas trovi vian plej proksiman vendiston en la oficiala retejo de STM. OPUS-karto povas esti replenigita ĉe metrostacioj uzante la aŭtomatajn maŝinojn aŭ ĉe biletbudo.

La retejo de STM ofertas retan servon de vojaĝa planilo. Vojaĝplanado ankaŭ povas esti farita per Google Mapoj aŭ alia simila reta servo aŭ poŝtelefona aplikaĵo. Senpagaj mapoj de busaj kaj metroaj sistemoj estas haveblaj en biletbudo ĉe la plej multaj metrostacioj. Ĉi tiuj estas utilaj por trovi kie vi estas sur la insulo.

Ĉe ĉiu metrostacio, direktoj ne estas indikitaj per kompasaj direktoj, kiel okcidenten aŭ orienten. Anstataŭe, trajnoj iras en la direkto de la finstacio de metrolinio. La verda linio direktas de Angrignon en la okcidento al Honoré-Beaugrand en la oriento. Se vi vojaĝus orienten, ekzemple, vi serĉus Honoré-Beaugrand sur la kajo. Se vi vojaĝus okcidenten, vi serĉus Angrignon. Ekzistas kvar nodaj stacioj ĉe kiuj veturantoj povas ŝanĝi metroliniojn sen krompago: Snowdon (blua/oranĝa), Lionel-Groulx (oranĝa/verda), Berri-UQAM (verda/flava/oranĝa), kaj Jean-Talon (oranĝa/blua).

Bicikloj estas permesitaj en metroaj trajnoj ekster la hasthoroj kiel ekzemple: 10:00-15:00 kaj 19:00 ĝis fino de servo dum labortagoj kaj la tutan tagon dum sabatoj, dimanĉoj, kaj laŭleĝaj ferioj. Bicikloj estas nur permesitaj en la unua vagono de la trajno ĝis maksimumo de 6. STM-laborantoj povas nei biciklojn en metroo pro sekurecaj kialoj, ekzemple pro specialaj okazaĵoj kiuj povus krei altan trafikon. Listoj de tiaj eventoj estas afiŝitaj en la retejo de STM kaj ĉe la enirejoj de metroo. Dum festivalsezono en Montrealo, bicikloj entute malofte estas permesitaj. Biciklado ene de stacioj aŭ la Subtera Urbo estas strikte malpermesita.

Moviĝi trajne[redakti]

Moviĝi aŭte[redakti]

Moviĝi bicikle[redakti]

Estas pluraj biciklaj vojoj. Memoru ke ne ĉiuj pontoj sur la Sankt-Laŭrenco estas biciklireblaj (sed multaj estas, inkluzive la ponton Jacques Cartier).

Eĉ vintre eblas bicikli kun taŭga vestaĵo, sed ne ĉiuj biciklovojoj estas ireblaj kaj sur la Sankt-Laŭrenco nur unu ponto (de la Concorde) estas malferma por bicikloj. Atentu pri glacio!

La servo Bixi luigas biciklojn, preneblajn ĉe multegaj stacioj en la tuta urbo.


Vidi[redakti]

ATENTU: Pro KOVIM19 aŭ aliaj kialoj, eblas ke kelkaj vidindaĵoj (precipe muzeoj) ne estas malfermaj. Ĉiam kontrolu.
Mapo de Montrealo
Place Jacques-Cartier Montreal 2012-05-01.jpg

10 - Placo Kartiero (Place Jacques Cartier), koro de la malnova Montrealo (Vieux-Montréal) - la originala parto de la urbo kreita en la 17-a jarcento. La tuta kvartalo estas vidindaĵo, ĉi tie oni povas senti kvazaŭ oni estus en iu malnova Eŭropa urbo.

Day 16 - Old Port of Montreal.jpg

11 - Malnova Haveno (Vieux Port), ankaŭ en la malnova Montrealo, kun pluraj kajoj kaj apuda agrabla promenejo.
Oficiala retejo: vieuxportdemontreal.com (angle kaj france)

Musée du Château Ramezay.jpg

12 - Kastelo Ramezay (Château De Ramezay) en malnova Montrealo, konstruita en 1705, nun muzeo.
Oficiala retejo: www.chateauramezay.qc.ca (plurlingve)

Place des Arts 40.jpg

13 - Placo de Artoj (Place des Arts), hejmo al montrealaj orkestroj kaj operoj, en la mezo de la Spektaĵa Kvartalo (Quartier des spectacles), centro de kulturo en Montrealo. Tie okazas grandaj festivaloj, interalie la Internacia Ĵazfestivalo, FrancoFolies (festivalo de franclingva kantado) kaj Juste pour Rire (Ĝuste por Ridi), la plej granda humorfestivalo en la mondo. Se dum la tempo kiam vi gastas ĉe la urbo ne okazas festivaloj, ne malfeliĉiĝu! La kvartalo plenas je diversaj artgalerioj kaj aliaj spektaĵo-centroj. Metroa halto Place-des-Arts sur la verta linio.

Tour de l'Horloge de Montréal1.jpg

14 - Horloĝa Turo (Tour de l'Horloge) - Turo kun horloĝo videbla de la haveno (iam uzata de la ŝipistoj). Somere vizitantoj povas grimpi la 192 ŝtupojn ĝis impona vido super la urbo. Plej proksima metroa halto: Champ-de-Mars sur la oranĝkolora linio.

Oratoire Saint-Joseph du Mont-Royal - Montreal.jpg

20 - Preĝloko Sankta Jozefo de la Reĝa Monto (Oratoire St-Joseph du Mont-Royal) - katolika baziliko fondita en 1904, ĝia kupolo estas unu el la plej grandaj en la mondo. Ĉe la preĝejo okazas multaj koncertoj kaj specialaj celebradoj. Sur la tereno krom la baziliko ankaŭ troviĝas grandioza ĝardeno kaj kapelo kun 10 000 kandeloj. Plej proksima metroa halto: Cote-des-Neiges sur la blua linio.

Montréal - Cathédrale Marie-Reine-du-Monde.jpg

21 - Katedralo Maria Reĝino de la Mondo (Marie-Reine-du-Monde), ankaŭ dediĉita al sankta Jakobo la Granda - katolika baziliko inaŭgurita en 1894, celanta esti pli malgranda kopio de Sankta-Petro en Vatikano. Plej proksima metroa halto: Bonaventure sur la oranĝkolora linio.

Basílica de Notre-Dame, Montreal, Canadá, 2017-08-11, DD 20-22 HDR alt.jpg

22 - Baziliko Nia Sinjorino (Notre-Dame). Tiu ĉi katolika preĝejo, inaŭgurita en 1829 por anstataŭi malnovan preĝejon konstruitan en la 17-a jarcento kaj ne plu starantan, estas la plej granda preĝejo en Montrealo post Sankta Jozefo kaj entenas multajn valorajn artaĵojn. Plej proksima metroa halto: Place d'Armes sur la oranĝkolora linio.

Church in Montreal.jpg

23 - Preĝejo de Kristo (Christ Church), anglikana katedralo inaŭgurita en 1859, anstataŭ antaŭa preĝejo de 1805 detruita de fajrego. Retejo: www.montrealcathedral.ca. Plej proksima metroa halto: Square Victoria OACI sur la oranĝkolora linio.

Montreal Museum of fine Arts.jpg

30 - Belarta Muzeo (Musée des Beaux-Arts, MBAM). Retejo: Musée des Beaux-Arts de Montréal (france kaj angle). Plej proksima metroa halto: Peel sur la verta linio.

Pointe-a-Calliere 4.jpg

31 - Muzeo Pointe-à-Callière (Musée Pointe-à-Callière, MPAC), historia muzeo kun kromaj ekspozicioj. Retejo: Pointe-à-Callière (france kaj angle). Plej proksima metroa halto: Place d'Armes sur la oranĝkolora linio.

Musee d art contemporain de Montreal.jpg

32 - Muzeo de Nuntempa Arto (Musée d'art contemporain, MAC), meze de komercaj galerioj apud la centra trajna stacidomo. Retejo: MAC (france kaj angle). Plej proksimaj metroaj haltoj: Peel sur la verta linio, Bonaventure sur la oranĝkolora.

Botanical Gardens viii..JPG

40 - Botanika Ĝardeno (Jardin Botanique de Montréal) estas vidindaĵo granda je ĉ. 80 ha (190 akroj) kun temaj ĝardenoj kaj multaj forcejoj. Oni konsideras ĝin unu el la plej gravaj botanikaj ĝardenoj en la mondo pro ĝia granda kolekto de specioj (22 000). Retejo: Espace pour la Vie - Montréal - Jardin Botanique (france kaj angle). Plej proksima metroa halto: Pie-IX sur la verta linio.

En/apud la Botanika Ĝardeno estas ankaŭ la Biokupolo (Biodôme, kun 5 ekosistemoj), la Insektejo (Insectarium) kaj la Planedvidejo Rio Tinto Alcan (Planetarium).

Beaver Lake @ Mount Royal @ Montreal (29785123863).jpg

41 - Reĝa Monto (Mont-Royal) estas la plej alta pinto en la montreala insulo, kvankam verdire la nomo "monto" superas la faktojn (233 m). Sur granda parto de la monto estas parko vasta ĉ. 200ha, en kiu estas ankaŭ lageto kaj teraso kun vidado super la urbo. La parko estas trairata de buslinio 11, kiu trafas la oranĝkoloran metroan linion ĉe Mont-Royal (3km piede). La lageto estas atingebla piede de Atwater sur la verta linio (1.7km).

Biosphère in Parc Jean-Drapeau.jpg

42 - Biosfero (Biosphère) en la Parko Jean Drapeau, sur la insuleto Sankta-Heleno meze de la Sankta-Laŭrenco. Muzeo pri la medio en malkutima pavilono konstruita por la Universala Eksposicio en 1967. La tuta parko taŭgas por promenadoj kaj observado de la rivero. Atingebla per metroo (flava linio, Jean-Drapeau) aŭ ŝipe de la Malnova Haveno (ankaŭ aŭte per du pontoj).

Oficiala retejo: www.parcjeandrapeau.com (angle kaj france). Alia retejo: Espace pour la Vie - Montréal - Biosphère.

Fari[redakti]

Lerni[redakti]

Labori[redakti]

Aĉeti[redakti]

Vendejaroj[redakti]

Manĝi[redakti]

GRAVA RIMARKO. En ristoracioj, la kutimo postulas ke oni ĉiam donu trinkomon al la kelnero, normale 15% de la kalkulo.
Klasika pucino

Se vi ŝatas rapidmanĝaĵojn, en Montrealo nepre manĝu la pucinon (france poutine), enhavantan terpomfingrojn, freŝan grajnan fromaĝon kaj brunan saŭcon. Troveblas ankaŭ variaĵoj kun pluaj konsistaĵoj.

Du montrealaj kolbasbulkoj

Ankaŭ provu la montrealan kolbasbulkon (steaméstimé), panbulkon kun vaporkuirita kolbaso, salato de nekuirita brasiko, mustardo, cepoj.

Trinki[redakti]

Glacia vino (vin de glace)

Aparta alkoholaĵo de Montrealo kaj Kebekio estas la tiel nomata glacia vino (vin de glace, angle icewine); estas tamen menciinde ke similaj vinoj troveblas ankaŭ en aliaj partoj de Kanado. Ĝi ne estas kompreneble farita el glacio, male el frostintaj vinberoj fermentintaj. Ĝi estas acidgusta kaj samtempe pli dolĉa ol ordinaraj vinoj.

Simila estas la glacia pomvino (cidre de glace, ice cider), produktata el frostintaj pomoj fermentintaj.

Pli ordinara sed nepre menciinda estas la kebekia vino. Fakte, malgraŭ la malvarmegaj vintroj, someroj estas sufiĉe varmaj por kreskigi en suda Kebekio iujn variojn de vinberoj kapablajn elteni la malvarman sezonon. La plej altkvalitaj vinoj akiris dum la lastaj jaroj la kvalifikon "IGP" (Indication Géographique Protegée = Indiko Geografia Protektata) kaj la oficialan titolon "IGP Vin du Québec". Eblas scii plu legante "vinsduquebec.com" aŭ... gustumante glason da ĝi en taŭga trinkejo.

Loĝi[redakti]

Esperanta loĝado[redakti]

En Montrealo estas 8 gastigantoj de Pasporta Servo (2021/11).

Kampadejoj[redakti]

Hosteloj[redakti]

Hoteloj[redakti]

Sekureco[redakti]

Esperanto[redakti]

Montrealo gastigis:

kaj gastigos:

Lokaj esperantistoj[redakti]

Montrealo estas la sidejo de la Esperanto-Societo Kebekia, fondita en 1982.

Konsulejoj[redakti]

Viziti plu[redakti]

  • Malpli ol 1h aŭte (distancoj de Malnova Montrealo)
    • Lavalo (Laval), en alia riverinsulo norde de Montrealo
    • Kahnawake, 17km, mohoka rezervejo
    • Chambly, 31km, kun fortikaĵo konstruita ĉ. 1710
    • Saint-Constant, 28km, kun fervoja muzeo
    • Salaberry-de-Valleyfield, 61km; vizitinda estas la apuda historia loko Coteau-du-Lac (=lagodeklivo), kun signoj de prahomoj ĝis antaŭ 7000 jaroj kaj pli freŝdataj fortikaĵoj
    • Nacia Parko Monto Sankta Bruno (Parc National du Mont-Saint-Bruno), 26km, malgranda sed agrabla, kun lagetoj kaj vojetoj; deviga enirbileto kostas ordinare 9$; informoj ĉe Sépaq

Rimarkoj[redakti]


Info non-talk.png
Ĉi tiu artikolo estas uzebla kvankam ankoraŭ mankas kelkaj informoj.
Ĉu vi kapablas helpi kompletigi ĝin? Do, kuraĝu, faru!

En tiu ĉi artikolo estas uzita traduko de teksto el la artikolo Montreal en la Ŝablono:Lingv/ra Vikivojaĝo.